สวัสดี บุคคลทั่วไป

ผญา ประวัติพระตาสร้างเมืองอุบล ตอนที่ 2.

  • 1 ตอบ
  • 1942 อ่าน

0 สมาชิก และ 1 บุคคลทั่วไป กำลังดูหัวข้อนี้

*

ออฟไลน์ ฅนครบุรี

  • *
  • 597
  • เพศ: ชาย
  • ฉันยังอยู่
    • www.chababaanna.com
ผญา ประวัติพระตาสร้างเมืองอุบล ตอนที่ 2.
« เมื่อ: กุมภาพันธ์ 13, 2013, 10:15:53 PM »


   อันว่านายใหญ่ห้ากำกับพวกคุมกอง ฤทธิ์แก่กล้าหารห่าวยิ่งกว่าเสือ
พระตาคำผงนั้นให้เป็นพวกกองกลาง คอยระวังรักษาครอบครัวของใช้
พระวอให้เป็นแม่ทัพคอยทาง ทั้งท้าวพรมผู้น้องท้าวสูนซ้ำซ่อยซู
ซอมเลศเลี้ยวเวียงจันทร์สินำไล่ เป็นกองหนุนซ่อยกันระวังต้านคันว่าจัดเสร็จแล้วก็คอยฟังคำสั่ง
ตักเตือนฝูงพี่น้องคอยเลือนหย่าวนำ พอเถิงเดือนสามขึ่นวันอังคารมื้อ 5 ค่ำ
ได้ศุภมังเลิศล้ำก็ตีฆ้เองป่าวเตือน หลวงราชโภชนัยเป็นหัวหน้าพาริพลห้าหมื่นเศษ
ออกจากบ้านยามเช้าก่อนงาย กองพรตานั้นคนหลายมากกว่าหมื่น
จัดขบวนเป็นกลองกลางยกไปทางซ้าย ฝูงหมู่คนแก้วกล้าองค์เอกเป็ทหาร
หมื่นกำลังมอบพระวอตันต้อนเตรียมไว้พร้อมของก้นหลายเหยื่อง
เครื่องสัพยุทธสู้มีพร้อมคู่มือ พระวอนั้นแม่ทัพใหญ่นำพล
คุมกำลังห้าพันระวังน้ำ ท้าวพรมน้องให้คุมพวกสามพันแอบอยู่ตามาสายดงแต่งกันเตรียมไว้
กองตระเวนนั้นให้ท้าวสูนคุมพวกสองพันแฮงคอยสอดแนมไกลไกล้
คันมีศึกหลวงดั้นสองกองรีบมาซ่อย อย่าอยู่ไกลหลื่นล้นเสียงฆ้องสนั่นเถิง
ให้แบ่งยายกันไว้คอยทางต้อตนด่าน คันหากมิดเสียงฆ้องเดือนหน้าจึงค่อยนำ
ฝูงหมู่กองครัวย้ายเดินทางติดต่อไปนั้น มื้อสืบมื้อเมือหน้าบ่ถอย มีแต่กอยใจข้ามภูผาชัน
โคกหินแห่ ยุถ่างเข้าป่ากว้างชมเนื้อละมั้งฟาน ฟังยินเสียงหมีฮ้องกวางทรายหมู่ช่างป่า
ฝูงลิงค่างเต้นปลายไม้สิ่งเบิ่งคนกาเวาฮ้องเสียงชะนีปวด ๆ ลวดเหล่าเห็นกระฮอกเต้นกระแตจ้อนหยอกกัน
ฟังยินสัว ๆ ฮ้องพนาสันก้องสนั่น หาผู้คิดโศกเศร้าเถิงบ้านก็บ่มี
มีแต่ความสนุกล้นตามทางย้ายย่าง ฝูงหมู่สาวส่ำน้อยกอยใจเกี้ยวแต่บ่าว
บางผ่องบังพุ่มไม้นอนลี้สิ่งเบิ่งชาย แล้วเหล่าเก็บดอกไม้ชูมฟูมการะเกษ
อันอยู่ในป่ากว้างมาเอ้หม่ายสาวมีทั้งหมอลำพร้อมหมอแคนและหมอขลุ่ย
บางผ่องเป่าปี่หลู่นำก้นหมู่ผุ้สาวบางผ่องแซวๆ เว้าใส่ใยเถิงบ้านเก่า เลยเหล่าหัวยุ่มเป้ยตาสิ่งเบิ่งแต่กัน
ความที่เหน็ดเหนื่อยนั้นตามทางบ่เตื้องต่อ คันไปฮอดท่าน้ำซ้ำลงเล่นหยอกสาว
ฝูงหมู่อาหารบ้นปูปลาทั้งเนี้อป่าย่างตัดต่อนต้มแกงส้มซุบย้ำ บ่ห่อนอึดยากเยื่อนสรรพสิ่งในดง
ประสงค์สรรหาเยื่องใด๋กะพอได้มีทั้งฝูงฝางเข่มเฟืองไฟสุกใต้ง่า
เหลืองหล่นถิ่มเต็มพื้นแผ่นดิน บ่ห่อนเข็ญขาดแค้นสรรพสิ่งนาๆ
ทั้งคาวหวานหมากพลูของเคี้ยว บ่ห่อนเคยขัดข่องของกินในป่าของปลูกอยู่บ้านเฮาพุ้นกะบ่ปาน
 เจ้าเอย เขาก็แซวเว้าเดินทางติดต่อไปนั้นหลายผ่ำเมื้อประมาณได้ขวบเดือน
ก็จึงไปถึงห้องหนองบัวหลุมภูบึงใหญ่เป็นท่ากว้างภูขั่นเขตด่านเวียง
เป็นที่สุขเกษมแท้นาสวนบ่อนเฮ็ดไฮ่ เป็นที่ดงด่านเผิ่งคณาเนื้อเต่าแลน
จึงได้พากันตั้งเซาแฮงพักจอดเตินให้ปลูกตูบน้อยเฮือนย่าวต่อกัน
อันว่าคนเหลือล้นอนันตังตั้งห้าหมื่น คันให้ตกแต่งสร้างเมืองบ้านอยู่บ่อนเดียว
 กลัวจักมีขัดข้องสวนนาบ่อนเฮ็ดไฮ่ ควรเฮาจัดแต่งให้เดินดั้นเบิ่งสถาน
อันว่าพระตาพร้อมหลวงราชโภชนัย ทั้งท้าวนามท้าวกองให้แบ่งเป็นสามจุ้ม
เขือก็เห็นดีด้วยสมควรยายออก แยกออกไปอยู่ยั้งแปลงบ้านสร้างเมือง
คันว่าปรึกษาแล้วก็หาพรานผู้เคยป่า ให้เขาไปเที่ยวค้นทำเลสร้างไฮ่นา
พรานก็โดยๆได้ถือปืนแบกหอกพากันเข้าเถื่อนกว้างแสวงค้นเบิ่งสถาน
เลาะเลียบต้ายโขงเขตดงหนาพากันหลบล่วงเลยไปหน้า
ทิศเหนือใต้ตะวันตกตะวันออกเลียบล้ำเรื่อยเหวห้วยห่อมเขา.....(อ่านต่อ)

*

ออฟไลน์ TIGGER

  • เป็นคนดีทุกวันที่เหลืออยู่ เพราะไม่รู้จะอยู่บนโลกนี้ได้อีกกี่วัน
  • *
  • 90
  • เพศ: หญิง
  • เป็นคนดีทุกวันที่เหลืออยู่ เพราะไม่รู้จะอยู่บนโลกนี้ได้อีกกี่วัน
Re: ผญา ประวัติพระตาสร้างเมืองอุบล ตอนที่ 2.
« ตอบกลับ #1 เมื่อ: กุมภาพันธ์ 14, 2013, 07:56:47 AM »
ตาลายเลยเพื่อน

 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 

Facebook Comments