ชบาบ้านนา ชุมชนฅนกวี

ท้องทุ่งแห่งการแบ่งปัน

ข่าว:


ผญา ประวัติพระตาสร้างเมืองอุบล ตอนที่ 4. (อ่าน 1783 ครั้ง)

0 สมาชิก และ 1 บุคคลทั่วไป กำลังดูหัวข้อนี้

ฅนครบุรี

มากกว่า ออฟไลน์
  • *
  • Hero Member
  • กระทู้: 594
  • เพศ: ชาย
  • ฉันยังอยู่
    • www.chababaanna.com


   หลอนวาพรากนกน้อยหนีจากฮวงฮัง จังได้มาตามทันให้โคบซิงไกลข้าง
เวรเคยสร้างปางหบังยู้ส่ง คันว่าหมดบาปแล้วกุศลซ้ำสิส่งเฮาดอกตี้
ชาตินี้พี่จากน้องเหลาห่วมทนทุกข์ ชาติสิมาขอให้มีความสุขแอ่วนำจำไกล้
แหม่นว่าไปเกิดก้ำหนแห่งทางใด๋ก็ดี บุญเฮามีให่ค่อยเวินมาพ้อ
บ่ได้น้องชาตินี้พี่สิผูกคอแขวน จนให้แนนนำรับเข้าห่วมหอเฮียนงฮ้าน
ส่งเสียงเสี่ยงเวรกรรมหนีจาก หากสิพ้อภายหน้าได้ห่วมนอนน้องเอย

เอิ้นสั่งซ้ำทั้งให้จ่มนำวอนเสียงใสสั่งเสียหาชู้ อย่าได้ไลลาอ้ายชายพลอยผู้เอิ้นสั่ง
บ่อนนากับบ่อนบ้านภายกว้างไว้เผื่อเฮียม หลอนว่าไปภายหน้าสองเฮาสิได้ห่วมกันนั้น
ยังสิได้สืบสร้างกระทำฮั่วไฮ่สวน ทำการค้าขายของกลงตลาด
ลูกและเต้าเขาสิได้อยู่เย็นน้องเอย ค่อมว่าบ่าวสั่งแล้วสาวซ้ำสั่งคืน
ค่อยอยู่ดีเด้อชายกะซ่าผัวกะจาชู้กลางป่าเฮียมเอย ชายบ่แท้หัวกะชายแกมหัวข่า
เจ้าเป็นชายบ่แท้กลัวย่านแต่แม่หญิง ความกว่าสิไปนำน้องความปลายย่านแม่ด่า
ชาติผู้ชายขี้ใบลมต้องบ่อ่วยฝน แนะกลไว้ตั๋วพางทุกแก้มปาก
ความยากมาแต่น้อยกอยให้แล่นหนี  วาจาหมั่นขันคำทุกแก้มปาก
ว่าสิไปส่งน้องแล้วพาสร้างไฮ่สวน เมื่อจักอวนไปแท้เสียงแวไปทางต่าง
เชิญให้ฝูงพี่น้องกุมป้ำหมู่อิงนั้นถ่อน   พร้อมว่าเสร็จแล้วสั่งแล้วก็ลาเลิกกันไป
เฮียมกล่าวพอเป็นกลอนแก้กันให้หายง่วง   คำที่เฮาควรเว้าก็ยังหลายเหลือขนาด
กล่าวแต่เพียงเล็กน้อยพอให้ชื่นกะใจเจ้าเอย  


   เมื่อนั้น พวกกองหน้าหลวงราชโภชนัย ไปผ้าขาวพรรณนาแต่งปุนแปลงบ้าน
ฝ่ายว่าท้าวนามนั้นนายหมู่กองหลัง ไปภูเขียวภูเวียงสร้างเฮือนแปลงย่าว
พากันจัดแจงบ้านคาเมเป็นบ้านใหญ่  อยู่ที่ในแห่งห้องวงล้อมบ่อนฮอม
เป็นฤกษ์ล้ำในเขตเขาหลวง ตระการงาตาดั่งพระอินทร์แปลงไว้
กองพระตาพร้อมเพียงกันหมดหมู่   พากันตกแต่งสร้างนาสวนปลูกหว่าน
พากันทำไฮ่นาบ่อยู่ไกลแคมน้ำ จึงได้พากันเอิ้นหนองบัวลุมภูให้เป็นชื่อ
ตั้งแต่คราวพุ้นปางนั้นสึบต่อมา .....................

   ในหมู่คนสามบ้านไปมาคอยถามข่าว ฟังเหตุทางพุ้นพี้การฮ้อนสิเกิดมี
ก็บ่มีโภยต้องอันตรายจักบังเบียด ยุถ่างสุขอยู่สร้างแปลงบ้านบ่อนเฮ็ดนา
ก็บ่พากันเศร้าคนิงหลังเถิงบ้านเก่า เห็นใหม่หมั่นพันชั้่นกว่าหลัง
มีแต่ก้มหน้าสู้กระทำใฮ่นาสวน เป็นเสบียงควรเครื่องครัวคราวฮ้อน
มีแต่กลอยใจเข้าดงหนาเป็นที่เพิ่ง หนีจากฮ้อนหาเงี่อมห่มเย็น
หมดบทบั้นปัจจุบันไว้ชั้นหนุ่ง คราวหน้าพุ้นยังสิกว้างกว่าหยังเจ้าเอย.....อ่านต่อ

 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 

Facebook Comments